Presidenti palestinez lavdëron përpjekjet e Trump për paqe në Lindjen e Mesme

21:01 | 11 Maj 2017
Trina Galanxhi

Presidenti palestinez, Mahmoud Abbas, ka mirëpritur përpjekjet e presidentit të SHBA-ve, Donald Trump, për të negociuar një zgjidhje për Lindjen e Mesme.

Pas takimit me presidentin rus, Vladimir Putin, Abbas tha se palestinezët janë të gatshëm të bashkëpunojnë për të ndërmjetësuar një marrëveshje paqeje, transmeton portali arbresh.info.

Abbas i cili u takua me Trump në Uashington gjatë javës së kaluar, ka shprehur gatishmëri që të takohet me kryeministrin e Izraelit, Benjamin Netanyahu, nën patronazhin e presidentit amerikan.

Bisedimet e ndërmjetësuara nga Amerika ndërmjet dy palëve dështuan mes akuzave të ndërsjella në prill të vitit 2014.

Putin gjithashtu ka theksuar se do të vazhdojë përpjekjet për të ndihmuar rivendosjen e negociatave të drejtpërdrejta mes Izraelit dhe Palestinës./Arbresh.info